【銀河十星】崔嘉寶息影嫁晨曦班主做少奶 老公一見鍾情寵妻26年

曾於1986年參選香港小姐競選嘅崔嘉寶，因當年讀完書之後一直找不到工作，所以見到電視台港姐招募，就參選試一試，無心插柳下成功躋身娛樂圈，並成為無線力捧嘅銀河十星之一。

{{hket:inline-image name="55.JPG"}}{{/hket:inline-image}}

（網上圖片）

崔嘉寶當年出道演過幾套劇之後，就被安排同當時走紅嘅廖偉雄合演《黃土恩情》，原本以為會令佢嘅事業更上一層樓。不料劇集播完之後，崔嘉寶又繼續被無線安排去演舞女、路人甲等閒角。崔嘉寶雖然心有不甘，但自己默默耕耘，從舞女演到情婦、從情婦演到二奶、從二奶演到大婆，最終爬返上花旦席位。崔嘉寶由反叛少女到變態殺人狂魔都演過，可以話係做盡天下壞女人角色。

{{hket:inline-image name="1-25.jpg"}}{{/hket:inline-image}}

（網上圖片）

不過喺1995年，正值佢嘅事業高峰之際，崔嘉寶拍完《情濃大地》之後宣布息影結婚，嫁畀晨曦足球隊其中一位班主周文曦，婚後為老公誕下三個仔女，全職做幸福人妻。

{{hket:inline-image name="15380013.jpg"}}{{/hket:inline-image}}

（網上圖片）

轉眼26年過去了，大仔周志仁現年21歲、二女雅雯19歲，細仔志賢都已經17歲，三子女遺傳父親的運動細胞，大仔舊年成為足球員踢港超聯，現為球隊夢想FC正選球員。

{{hket:inline-image name="_2017102715401143336.jpg"}}{{/hket:inline-image}}

（Facebook圖片）

{{hket:inline-image name="1.jpg"}}{{/hket:inline-image}}

（IG圖片）

崔嘉寶話兩個仔自細喺球場打滾：「佢踢到港超聯我都好支持，呢個係健康運動，但最重要係學業為重。」而崔嘉寶同老公都恩愛依舊，成日都出雙入對。而甚少公開露面嘅佢近日為撐曾患驚恐症嘅好友李珊珊，「出山」為精神健康基金會拍片，片中見佢比起做女嗰陣豐滿咗，但就冇乜點老到。佢嘅出現勾起咗好多劇迷嘅回憶，想佢復出拍戲。

{{hket:inline-image name="w644.jpg"}}{{/hket:inline-image}}

（影片截圖）

不過崔嘉寶就話要睇機緣，反而係佢嘅仔女好想佢復出，想睇佢依家演戲，但佢就話唔知道可以演咩，都係志在過過戲癮。

撰文: 黃蘊姿